Nieuws

Motto Gabriëlbal 2018

Eigelik hoofde de Gabriëlle neet lang nao te dènke äöver 't motto väör 't kómmende Gabriëlbal. 't Gabriëlfónds is jao bezig aan 't lèste vereinigingsjaor en zal in 2018 waere opgeheve. Daoróm is es motto gekaoze: AAN ALLES KUMP 'N ÈNJ. 

Dat aan alles 'n ènj kump is zoa waor es mer zeen kan. Wae daoaan twiefelt maog probere de èndjes aan mekaar te knuipe. Mer oeteindelik zal me toch aan 't kortste ènj trèkke. Wae 'n sjóan creatie wèt te bedènke op dit thema zal op den daag van 't Gabriëlbal, vriedig 9 fibbrewari 2018, in aanmerking kómme väör de Podiumpolonaisepries dae door 't nuje Prinsepaar zal waere oetgereik.

Doot uch dus sjóan verkleije, ouch al raak 't ènj noch kantj. Dan wurt 't lèste Gabriëlbal waat de Gabriëlle d'r van houpe dat 't wurt: e sjóan gemeinsjapsfiës wie dat allein in Beeg meugelik is. Mit luuj van ós vereiniginge väör en achter d'n tap, es herinnering aan 'ne fejne tied mit 't Gabriëlfónds. 't Ènj króant 't werk. Dat mót 't waere. Ènj good, ál good!

 

 

|Doorsturen






Ook hier adverteren?

Poll

Glanerbrook krijgt een miljoeneninjectie. De zwembaden in Sittard en Buchten moeten sluiten.

Stemmen Bekijk resultaten

Er is 524 keer gestemd.

Agenda

Weer