Gedichten

Mit vastelaovend

Een gedicht van Guus Kitzen

Dan pupsj ich door de raoze bril
dae deit zörge das se niks mis
bèn dan gruetsj es "Zawpens"stil
kiek wae in gekke tuen de  bèste  is 

Zeen fejne Beegter vastelaovend
gaon drie daag ram door de wits
raos van de mörge tot de aovend
dat krieg ich bès waal spits 

Nemes dae nog sjuldj of klaag
make polenaezes op en aaf
`t gekste kump dan väör de daag
bèn aan vasteaovend ech verslaaf 

Maak alaaf nao de prinsepare
äöveral en ummer weer opnuuj
waal mót ich de stöm get spare
of wurt ze heisj wie bie väöl luuj 

De waeg kwiet gaon ich heives
mit de bril sjeif op mien naas
en zèng lachend in mien eiges
op ós aller dörpke aan de Maas 


Guus Kitzen 2018

 

|Doorsturen






Ook hier adverteren?

Poll

Glanerbrook krijgt een miljoeneninjectie. De zwembaden in Sittard en Buchten moeten sluiten.

Deze poll is gesloten, u kunt niet meer stemmen.

Bekijk resultaten

Er is 569 keer gestemd.

Agenda

Weer